岩石牛扒屋 (Closed)

聽朋友講虹橋附近有間新嘅扒房及酒吧，環境舒適，傾計嘅好去處，餐廳分為兩部份，一邊做扒房，一邊做酒吧。去到見到門面都幾精緻，佈局都相當企理。由於入座時間尚早，扒房呢邊位置鬆動。餐廳供應麒麟生啤。餐牌選擇多元化……美國穀飼牛柳 200g $148由於塊板好熱，而且肉汁鮮嫩，比較多肉汁，所以切開時要小心肉汁濺射。切開嘅牛柳顏色鮮紅，加上無額外調味料添加，可以睇得出係質量嘅牛，而且份量足。個人認為食用時加些少海鹽更能突出牛肉嘅鮮味，齒頰留香！！！差啲唔記得咗介紹前菜，包括忌廉湯及水果沙律。水果沙律：用新鮮蘋果撈埋香濃嘅芝麻醬、栗米及生菜，口感清新忌廉湯：上枱已經聞到好香嘅忌廉湯味而且飲落完全唔似用粉開稀嘅湯凍檸茶：茶底是用上Lipton茶底，而非普遍的捷榮茶包沖出。就連牙籤筒都相當精緻。同場加映，朋友嘅餐－－岩石美國穀飼牛西冷200g $158。總括食材挑選同處理方法，睇得出廚師對食物有要求。