Video
Read full review
2017-05-30
12728 views
年紀漸長, 特別注重健康飲食, 尤其是長者們。爸媽茹素多年, 我也照樣習以為常, 但偶爾就會放肆一吓！屋企附近新開咗兩間素食餐廳, 平日經過, 總是排晒長龍！難得近期熱潮稍微過, 一於孖住爸媽去食素……話雖如此, 始終都係book定位好啲, 星期六、日walk in嘅話, 去到就預咗要有排呆等嘞！三人行, 星期日中午12點準時到達。餐廳内已坐滿六、七成客人, buffet枱亦出現咗人龍排隊拎嘢食, 侍應生安排咗靠近門口嘅位置畀我哋。食完先畀錢, 客人毫不客氣一窩蜂咁橫掃, 難怪我哋一出去就已經無乜嘢食啦！好彩餐廳醒水, 會不停refill番, 算係咁！68蚊免加一嘅自助餐, 大家唔好expect係啲新派fusion素菜呀！大部份嘅素菜都係以瓜菜、豆腐、菇菌類為主食, 而且味道清淡, 一啲都唔重口味, 係切切實實嘅"素食主義"呢！一盤盤唔同款嘅純炒菜, 計有炒菜心、炒白菜仔、炒菠菜、炒唐生菜等等, 非常住家feel！另有菇菌豆腐類嘅雜炒苦瓜、豆角、西芹、黑木耳、翠玉瓜、勝瓜、菜餃、西蘭花、椰菜花等等嘅家常菜, 不過煮得較為油膩！也有炆南瓜、白蘿蔔、豆腐卜、豆腐角等等啦, 送飯啱晒！清淡
話雖如此, 始終都係book定位好啲, 星期六、日walk in嘅話, 去到就預咗要有排呆等嘞！三人行, 星期日中午12點準時到達[無肉食]。餐廳内已坐滿六、七成客人, buffet枱亦出現咗人龍排隊拎嘢食, 侍應生安排咗靠近門口嘅位置畀我哋。食完先畀錢, 客人毫不客氣一窩蜂咁橫掃, 難怪我哋一出去就已經無乜嘢食啦！好彩餐廳醒水, 會不停refill番, 算係咁！
68蚊免加一嘅自助餐, 大家唔好expect係啲新派fusion素菜呀！大部份嘅素菜都係以瓜菜、豆腐、菇菌類為主食, 而且味道清淡, 一啲都唔重口味, 係切切實實嘅"素食主義"呢！
素菜自助餐
470 views
0 likes
0 comments
一盤盤唔同款嘅純炒菜, 計有炒菜心、炒白菜仔、炒菠菜、炒唐生菜等等, 非常住家feel！另有菇菌豆腐類嘅雜炒苦瓜、豆角、西芹、黑木耳、翠玉瓜、勝瓜、菜餃、西蘭花、椰菜花等等嘅家常菜, 不過煮得較為油膩！也有炆南瓜、白蘿蔔、豆腐卜、豆腐角等等啦, 送飯啱晒！清淡啲嘅有白粥, 啲粥煲得夠綿！蒸豆腐, 又淡又滑。素餃, 饀料微辣, 餃皮較厚。蒸紅豆糕, 有粒粒紅豆, 唔會太甜！蒸千層糕, 軟糯、甜度剛好！飽肚嘅有炒麵、腸粉等。
素菜自助餐
242 views
0 likes
0 comments
素菜自助餐
192 views
0 likes
0 comments
想食香口嘢食嘅可以揀炸芋蓉春卷, 熱辣辣, 十分香脆, 芋蓉餡又多！炸芋絲餅, 入口較為硬脆！炸素菜腐皮卷, 爽脆非常！炸地瓜球、炸煎堆, 外脆内軟, 香甜十足！椒鹽豆腐, 豆腐雖然嫩滑, 但淡口到完全無椒鹽味！煎蘿蔔糕, 煎得好輕手, 似蒸嘅多, 而且無乜配料！煎馬蹄糕, 馬蹄雖少但清甜！
素菜自助餐
194 views
0 likes
0 comments
呢度都有冷盤, 如薯仔沙律、沙律菜、紅菜頭、黑木耳、粟米、酸瓜、涼粉等等。
素菜自助餐
196 views
1 likes
0 comments
甜品就有紅豆沙, 雖未至於起沙, 但超多紅豆, 亦唔會過甜！
紅豆沙
170 views
0 likes
0 comments
湯水有西洋菜湯, 老火靚湯, 好多西洋菜！
西洋菜湯
135 views
0 likes
0 comments
飲品有水、茶、檸檬水。
限時75分鐘, 由於款式唔多, 來來去去都係嗰几款, 半個鐘都夠晒我哋食了！眼見每位客人都好惜食, 食飽後自覺地收拾碗筷碟子, 非常自律！
整體雖屬一般, 但少鹽少甜, 價錢又咁平, 要求唔高嘅話, 可以一試！
Post
