Cafe 360 (Closed)

約左朋友收工去深水埗行黃金電腦商場，咁收左工肚餓就要醫肚先啦！我地先去西九龍中心搵嘢食，放工想舒舒服服咁坐底吹水食嘢，見到呢間好似氣氛唔錯就入去坐。待應都好快帶我地入座和送上餐牌和水，因為我地係3個人，最後點左個2人套餐艮和1份個人套餐一齊食。首先講下2人套餐叫慢烤系列二人餐，有兩客湯,主餐叫左慢烤丹麥嫩豬仔脾和夏威夷芝士pizza，2杯野飲。白湯送上黎飲落都唔錯，主食豬仔脾、蟹子青瓜沙律、竹炭包賣相幾靚，包食落口唔硬，配白湯飲都好正，豬仔脾烤得啱啱好，真係好嫩，食落口又唔油膩，仲有啲汁，一個字正，值得一試至於夏威夷芝士pizza，芝士味好濃郁， Pizza夠香口，雖然賣相睇落去好似都幾黑，但食落口味道同口感都十分之好仲有一個一個人套餐係點左日式芝麻醬吉列蝦蛋包鐵鍋蕃茄飯，炸蝦好香脆，料都十足，賣相亦都十分吸引，如果一個人黎食我可能會點返呢個，但同時亦都想嘗試下其他嘢食，真係覺得自己有啲矛盾至於佢三杯嘢飲，睇圖就好靚，但實質上上嚟都係用普通膠杯裝住，飲落唔算特別，所以唔會特別介紹