味千拉麵

Open Now

Now Closed

晚餐同左朋友去咗旺角食味千拉麵！其實係佢提議，朋友好鍾意食拉麵，但係又唔想食得咁貴，所以我哋就決定去味千拉麵！我哋兩個暗底𥚃都好鍾意味千拉麵，因為夠平民化 呢間雖然服務員唔多，但係勝在夠禮貌，位置多幾闊，尤其係卡位，但係衛生就差少少！空氣流通程度有待進步！我哋兩個都叫咗味千拉麵～招牌嘛 另外再叫咗炸忌廉蟹肉餅 (唔係好記得全名)😂 一人一件，因為佢可以計件數咁樣叫好快，就有得食！拉麵真係好香，湯底超濃，好味到可以成碗飲晒🤣🤣咁我當然冇咁做啦，但係佢嘅叉燒都好大塊，咬少少再食拉麵好夾👍🏻 同埋拉麵都好大碗，而家好少地方搵到大碗但係唔貴嘅拉麵🤣 至於炸忌廉蟹肉餅，真係超級好食，外面好脆，裏面竟然係軟林林，熱辣辣，好好味！必叫！雖然貴左少少，但係好值呢個價，值得一試👍🏻