貴緣小鍋米線 (崇潔街) (Closed)

假日都喜歡四圍外出搵食尤其是疫情減退 生活都開始步入正常一向都喜愛吃米線 不過新界區始終選擇不多趁著假日 帶住媽媽去九龍區搵食網遊搵到呢間貴緣小鍋米線係紅磡區內好出名 是人氣米線小店由門面到舖內裝潢都是好普通唔起眼不過就是堅持逐碗煮 就令其成為區內回頭客最多既米線小店以掃QR code落單望望菜單 湯底共四款可選 而配料有四十多款點了豬紅、豬腸同冬菇皇配蕃茄湯米線本身煮得剛好 軟綿之中帶爽口連湯煮既米線好入味亦好夠味豬紅軟腍無腥味 冬菇煮得腍滑軟身 食落仲好入味但又唔會太咸豬腸有滷水香 食落夠入味 而且無異味蕃茄湯底味道好鮮甜 濃郁之中帶酸 味道層次好豐富喜歡嚐辣既仲可以揀辣度另一碗點了豬軟骨、貢丸雞絲加酸菜配豬骨濃湯濃湯零味精足料熬製 濃郁味美可口豬軟骨煮得腍軟 但入口彈牙有嚼勁雞絲相對比較乾身 沾上湯汁變得惹味酸菜是正宗雲南口味 入口酸酸地但帶咸香 用來配襯米線好夾雞絲山份量十足既雞絲同樣是比較乾身但配合微辣既蒜泥 不單提升美味刺激性令雞絲添上獨特既風味榨菜豬肚絲豬肚份量不少 質感爽彈有口感 食落無異味 意想不到同榨菜咁夾食落帶少少辣 令人愈食愈開胃