Video
Read full review
2022-11-06
1068 views
想去既個間餐廳執笠😮💨老公帶我去小確幸食布丁燒，咁岩見到呢間千の壽，老公話呢間餐廳開左好耐了，價錢親民抵食，咁就入左去食飯了。🍱午市套餐 - 魚生刺身餐 配壽司飯、蟹籽沙律 ($102)▫️厚切三文魚2片▫️八爪魚3片▫️希靈魚2片▫️磯煮鮑魚1隻▫️𩶘魚2片▫️大赤蝦1隻▫️帶子1片▫️北寄貝2片呢個價錢有咁多刺身食，真心係抵食既，特別係三文魚刺身，超級厚切同肥美，有濃濃既三文魚香。帶子好大粒、鮑魚彈牙、赤蝦好大隻，咬落爽口，其他刺身都唔錯，整體都幾新鮮既，刺身解凍時間未必做得好好，有啲食落有少少凍，但唔會咬唔到或者食冰咁，所以我地都覺得呢個刺身餐係食得開心滿足既，性價比係高既。壽司飯🍚既份量都好多，有一大碗，醋味正常。蟹籽沙律🥗份量一樣多，都幾好食👍🏼🍣原條鰻魚壽司 (2件) ($66)真原條鰻魚，望落漲卜卜好厚肉咁，依家買一條原條都$7x up，所以呢份壽司好抵食。味道係正常蒲燒鰻魚汁味，夠入味的，呢款鰻魚整體口感比較彈牙，少少鰻魚肉部份食落都幾鬆軟，唔好期望係全條都係鬆嫩鰻魚肉，係就唔會係呢個價錢，所以我地都覺得唔錯，仲要鰻魚好少刺。🍣松葉蟹膏壽司 (2件) ($32)依家係蟹季，當然要叫份
🍱午市套餐 - 魚生刺身餐 配壽司飯、蟹籽沙律 ($102)
▫️厚切三文魚2片
▫️八爪魚3片
▫️希靈魚2片
▫️磯煮鮑魚1隻
▫️𩶘魚2片
▫️大赤蝦1隻
▫️帶子1片
▫️北寄貝2片
63 views
0 likes
0 comments
30 views
0 likes
0 comments
呢個價錢有咁多刺身食，真心係抵食既，特別係三文魚刺身，超級厚切同肥美，有濃濃既三文魚香。帶子好大粒、鮑魚彈牙、赤蝦好大隻，咬落爽口，其他刺身都唔錯，整體都幾新鮮既，刺身解凍時間未必做得好好，有啲食落有少少凍，但唔會咬唔到或者食冰咁，所以我地都覺得呢個刺身餐係食得開心滿足既，性價比係高既。
壽司飯🍚既份量都好多，有一大碗，醋味正常。蟹籽沙律🥗份量一樣多，都幾好食👍🏼
61 views
0 likes
0 comments
25 views
0 likes
0 comments
🍣原條鰻魚壽司 (2件) ($66)
真原條鰻魚，望落漲卜卜好厚肉咁，依家買一條原條都$7x up，所以呢份壽司好抵食。味道係正常蒲燒鰻魚汁味，夠入味的，呢款鰻魚整體口感比較彈牙，少少鰻魚肉部份食落都幾鬆軟，唔好期望係全條都係鬆嫩鰻魚肉，係就唔會係呢個價錢，所以我地都覺得唔錯，仲要鰻魚好少刺。
44 views
0 likes
0 comments
🍣松葉蟹膏壽司 (2件) ($32)
依家係蟹季，當然要叫份蟹膏壽司，超級多蟹膏，但食落偏咸，有少許腥味但可接受的，唔大影響，但建議唔好再點豉油食。
38 views
0 likes
0 comments
🍤炸軟殼蟹 ($50)
即叫即炸，原隻熱焫焫上枱，炸衣夠薄，咬落好鬆脆既，都唔覺油膩，食到蟹肉，味道正常，所以呢碟都係唔錯的。
28 views
0 likes
0 comments
環境方面係平民餐廳裝修，冇咩特別，但勝在張枱算大，坐得都算舒適既。店員服務正常有禮。
整體黎講呢間餐廳看似平平無奇，但食物質素都ok，仲有好多選擇(除左壽司、仲有串燒、炸物、烏冬等等，似居酒屋咁)，做街坊生意，價錢親民，性價比都高既，平時口痕想食壽司但又唔要求好高，又唔想食好貴既，呢度係可以的。
.
味道 ★ ★ ★ ★ ☆ (3.5星)
環境 ★ ★ ★ ☆ ☆
服務 ★ ★ ★ ★ ☆
性價比★ ★ ★ ★ ☆
Post
