玥屋

Open Now

Now Closed

聽聞呢間壽司小店一路都好難book位，好受歡迎，今次終於有機會嚟食啦！午餐時間來至可以叫午市套餐，叫咗一個特上壽司定食，有吞拿魚、白玉豚、三文魚腩、劍魚腩、油金魚、海膽、帶子、赤貝、甘蝦、鰻魚、玉子，另外配蔥油甘魚手卷，成個套餐咁多嘢都似係$105 另外散叫多幾件壽司share。我覺得最好食反而係燒三文魚奇趣卷，燒過嘅三文魚好肥美，好香魚油，中間有天婦羅，好脆好好食！呢度啲壽司比起出面嘅壽司形狀幼長身，壽司overall質素正常。價錢係平既，但未至於超好食。小店舖位真係好細，所以會限住時間俾你食，都體諒嘅，如果要食最好打電話預約先，留定張枱俾你。