Video
Read full review
2014-04-14
1766 views
正想放棄寫食評，又或再隔一排有 mood有時間才寫吧既時候，看到這篇名為"平民大餐之選"懸留在食評稿件中，有感平靚正既美食真係有需要同大家分享，於是還是的起心肝決定把佢完成。光顧當日又是看電影的日子，又係度度都爆左，唯獨是這家紅蔥頭還可訂枱，訂位後才細心看其他食客既介紹，彈既較多，心諗有點中招既感覺，但見佢定價好經濟，又唔想煩揾位既問題，還是跟朋友來了。結果係~人地點評都係假，要親自試過先知。由於較預訂時間早了半個鐘，店員安排我地坐喺廚房出入通道附近既四人枱，其實我冇特別為意，只係諗如果多張櫈放袋就好了，過左15分鐘，店員主動過來提出幫我們轉去位置較好又濶落一點的4人卡位，超讚！初時以為settle左你就算，但原來店家有暗自follow up訂枱既食客，即時覺得其他食評彈店家服務唔得未必係事實既全部呢！至於食物方面，雖然未至於超有驚喜，但按其定價來看卻是達至應有水平，且有些更高於水平一點呢！我們一行四人點了一個二人餐，另外點了一個沙律及兩個小吃。二人餐食物包括兩客餐湯及蒜蓉包﹑一客小吃﹑兩客主菜﹑甜品及餐茶，這樣豐富每人都係大概$125，抵到呢！雖然最後問店員拿手寫單時有點費時，但整體
光顧當日又是看電影的日子，又係度度都爆左，唯獨是這家紅蔥頭還可訂枱，訂位後才細心看其他食客既介紹，彈既較多，心諗有點中招既感覺，但見佢定價好經濟，又唔想煩揾位既問題，還是跟朋友來了。結果係~人地點評都係假，要親自試過先知。
由於較預訂時間早了半個鐘，店員安排我地坐喺廚房出入通道附近既四人枱，其實我冇特別為意，只係諗如果多張櫈放袋就好了，過左15分鐘，店員主動過來提出幫我們轉去位置較好又濶落一點的4人卡位，超讚！初時以為settle左你就算，但原來店家有暗自follow up訂枱既食客，即時覺得其他食評彈店家服務唔得未必係事實既全部呢！
至於食物方面，雖然未至於超有驚喜，但按其定價來看卻是達至應有水平，且有些更高於水平一點呢！我們一行四人點了一個二人餐，另外點了一個沙律及兩個小吃。二人餐食物包括兩客餐湯及蒜蓉包﹑一客小吃﹑兩客主菜﹑甜品及餐茶，這樣豐富每人都係大概$125，抵到呢！雖然最後問店員拿手寫單時有點費時，但整體嚟講真係算唔錯，一班人平平地嚟食個大餐很不錯呀！
就以食物既圖片及我地既評語作結吧！
跟餐的餐湯及蒜蓉包
"白湯"夠creamy，"紅湯"則很足料，蒜蓉包香口
散點小吃鐵板牛柳粒牛柳沒有太多調味，偏淡但有牛味，中間薯蓉反而好夠味。
散點小吃炸雞翼香口非常，外脆內有肉汁，好味！
散點凱撒沙律份量很多，相片拍不好，其實個碗好深的，沙律菜尚算新鮮多汁，味道中規中舉！
跟餐小吃忌廉芝士薯條稍為乾了一點，沒我想像的好吃。
散點意粉:三色椒辣肉腸原以為是乾炒意粉，或像拿破崙意粉，但這個較汁，不過調味不錯，所以我們仍能乖乖幹掉整碟！
跟餐主菜：卡邦尼扁意粉上枱已看得出好味！每條扁意粉均掛汁，汁亦剛夠濃稠，不稀身，味道好而麵質 al dente，讚！
跟餐主菜：橙香豬仔骨我唔明點解唔記得拍照！這個可算是全晚重點美食，但偏偏漏左這張！可能當時只掛住吃，肉很軟腍，容易骨肉分離，味道雖是不錯，但唔夠平時燒汁的惹味！
跟餐甜品：原味及藍莓芝士蛋糕
加錢可轉心太軟，但我們堅持試吃是日甜品，原味及藍莓芝士蛋糕均是實芝士那style，當中尤以藍莓較好吃！
Post
