密密燒

Open Now

Now Closed

位於深水埗街頭，唔係太多裝修，但係都幾大間，抽風又好喎，完全唔怕食完成身味，讚呀！仲有呢度係唔洗自己郁手架，放啲串燒落爐就會自動燒，方便到震呀！💚蔬菜佢哋嘅大啡菇菠蘿同埋豆卜都好新鮮，每一樣都好好食，菠蘿超鮮甜，大啡菇都好濃香，豆卜燒完勁脆口，落啲椒鹽去燒又惹味喎，不知幾好食！🧡肉類佢哋嘅豬頸肉肥瘦啱啱好，唔會太肥，燒完啲肥膏係脆嘅，亦都好香，肉質好嫩，雞翼係雞中翼，燒到脆卜卜，外脆內軟，仲有其他肉都好好味架！🩵魚類佢哋嘅魚有兩款，有我鍾意食嘅多春魚，攞嚟燒就最啱，佢哋嘅多春魚好靚，好脹卜卜，勁多魚春，燒完出嚟好鮮味，超正！