蛋蛋哥 (Closed)

黎到葵芳呢一個知名嘅小食商場行下，其實已經見到同以前嘅差好遠，係因為多左好多野食，好唔好我就唔多知喇，但係呢，可以填飽個肚嘅就幾多。黎到呢一間店嘅門口，其實都見到有幾多人排下。呢一間度乜都有下咁，一般嘅魚蛋腸粉又有，果汁又有。我就叫左個包試下，事關覺得有啲新奇有趣下。呢個叫佔芝士蟹柳太軟包。七蚊雞計落其實都幾抵下。味道我覺得就平民風格啲，算係中上水平（因為我都見到有啲人買黎食下）。材料明顯都係同個名一樣啦，芝士同蟹柳，可能係因為咁嘅關係，食完都覺得幾撐得肚。