隱居 (Closed)

以前每次入坑口村食嘢，一定會幫襯村口間合時小廚，佢哋嘅咕嚕肉同糯米飯真心好食。不過今時今日再入坑口村，就會首選幫襯一啲同聲同氣嘅小店，經過舊年，個人嘅消費模式已經徹底改變。平日我好鍾意食魚生，不過隱居係居酒屋格局，所以我最後決定叫熟食，試下佢哋嘅烹調功夫。我揀咗客燒封門牛丼，隨餐附送沙律同豆乳蝦湯。睇網上評論，呢個蝦湯好評不少，我試過後，感覺係蝦味確實超濃郁，不過略嫌重手咗啲，變得好鹹，我飲完後要即刻再飲茶平衡返個味蕾，對面位飲咗一半就已經放棄😂。至於個牛丼，用嘅係日本米，粒粒飽滿彈牙，好好食😋；封門牛柳面頭燒得好香，入面嘅肉質仍然能夠保持幼嫩， 加埋紫菜，芝麻同甜甜嘅燒汁做調味，成碗飯整體嚟講相當唔錯👍。