天鳥居酒屋

Open Now

Now Closed

一間位於屋村商場的居酒屋，裝修富有日式元素，坐位尚算寬躺，質素還好。今次一家人來慶祝生日食飯，點了一個四人餐跟一個二人餐，外加刺身，壽司小食，人均都差不多400幾500左右。三文魚刺身肥美無刺，特大海赤蝦刺身都算鮮甜，唔會有雪味，其他刺身都解凍得好，食落唔會太冰凍。壽司方面比較參差，八爪魚，三文魚有啲乾身，軍艦醬汁搭救口感較好。兩個沙律都幾好食，蔬菜有咬牙，醬汁剛剛好。牛肉蔬菜鍋牛肉份比較少，鍋底滿滿蔬菜跟烏冬。