麻辣妹 (Closed)

最近天氣又濕又熱，要吃麻辣嘅慾望係體內無限翻滾。想平平地食川菜麻辣菜，喺旺角都可以有好選擇。位於旺角通菜街嘅<麻辣妹>，除了可以像車仔麵般選好麵食和湯底之後任意配搭餸菜外還有各式的麻辣小食。雖然沒有華麗嘅裝修，但係店內環境寬敞，唔會覺得逼👌👌👌三心兩意嘅朋友們見到大部分嘅小食都可以選擇雙併，會唔會同本兔一樣咁開心呢？？車仔麵方面亦有好多餸可以選擇，咁多款配搭，梗有一款啱你心水！！〈口水鷄〉第一件事必定要點口水雞！！夠麻夠辣就唔在講，雞件夠厚肉又滑嘟嘟，正！〈青瓜配木耳〉多汁既青瓜和爽脆既木耳都係配麻辣汁嘅良伴，爽！！〈蒜泥白肉〉大量嘅蒜泥鋪晒喺口感細嫩嘅白肉面，真係越食越開胃。麵食方面叫了手工涼皮，還是配點蔬菜吧！！我選了青菜，支竹，白豆腐和韭菜餃。爽滑嘅涼皮口感Q彈，撈埋秘製醬汁一齊吃非常惹味。韭菜餃入面真的有超多韭菜呢，口感爽脆。總結：以後想平平地食下麻辣嘢，又多個選擇了。