Oliva (Closed)

見OLIVA有團購套餐，再睇下內容，好似都吾錯，咁即刻訂購兩位同男友試下，早兩日已經訂左今日6點，可能我哋比較早到，所以去到時得我哋一枱客，待應先問我哋有冇訂位，係咪團購，坐底後，吾使講，佢哋已經攞左墨汁包同鴨胸沙律來。墨汁包係配黑醋汁食，老實講，如果吾點黑醋汁，個包係無味道的，所以一般，而鴨胸沙律，比想像中少，但味道都吾錯，幾FRESH。至於主菜，男友選擇了香煎西冷牛扒配黑椒紅酒汁，牛扒薄薄一件，但夠淋，而家入口夠即溶，吾錯。而我選擇了香煎龍脷柳魚卷配海鮮忌廉汁，真係一般，龍脷柳魚一啲都吾新鮮，完全食得出係急凍龍脷柳，所以好失望。而每個餐都可以配意粉，飯或薯菜，我哋都選擇左意粉，真係有點後悔，因為意粉煮得很硬，又係失望之選。至於甜品，係普通的芝士蛋糕，但無啦啦加左果醬，搞到不論不類，而味道就一般。最後飲品，都係凍檬茶那些，沒有特別。至於服務方面，倒是不錯，有禮貌，同幾勤快。但如果吾係團購的關係，我絕對吾會再去食囉。