Video
Read full review
2020-09-30
59 views
出嚟做開野經過長沙灣，見到呢間餐廳好似幾抵食，個名仲叫肉肉強食咁得意，睇嚟都係啱晒我呢啲食肉獸架啦。上到嚟個環境都幾得意，個場好大，好多個卡位，仲有紅白格仔枱布，十分經典。見到佢由即日起至到10月31號都做緊優惠，鐵板什扒半價圍返先$39，芝士牛肉漢堡又係半價 ，先$24 ，仲有個吉烈豬柳都只係$20。抵到咁叫人點揀呀，樣樣都嗌嚟試吓先。佢個芝士牛肉堡真係不得了，以為佢半價個size會好細，點知同出邊百幾蚊一個嘅有得揮。除咗好大個之外，切開佢塊牛肉漢堡都好Juicy，真係足料又抵食。至於個$20吉列豬柳都好驚喜，我以為佢係普通碟上，點知佢都係鐵板。最重要嘅係佢啲豬柳一啲都唔厚粉，食落去肉質仲好鬆軟，配埋個洋蔥汁，確實係唔錯。另外我哋仲揀咗個深海魚柳配蒜蓉汁，我哋加咗$18轉套餐，所以會有薯條。佢個魚柳都係啖啖肉，都係好薄粉。最後梗係試埋佢餐廳嗰個最貴嘅牛柳啦，同樣跟咗薯條但係就配左黑椒汁，佢個汁一啲都唔辣啱晒大人細路。佢個牛柳又真係冇落鬆肉粉都好林，而且五成熟又真係中間夠晒紅。轉左做餐嘅話仲跟咗餐包，佢個餐包真係好軟熟，幾唔錯架。仲有跟咗個羅宋湯，佢個湯都好足料，唔會太辣又唔會太酸，味
上到嚟個環境都幾得意，個場好大，好多個卡位，仲有紅白格仔枱布，十分經典。見到佢由即日起至到10月31號都做緊優惠，鐵板什扒半價圍返先$39，芝士牛肉漢堡又係半價 ，先$24 ，仲有個吉烈豬柳都只係$20。抵到咁叫人點揀呀，樣樣都嗌嚟試吓先。
佢個芝士牛肉堡真係不得了，以為佢半價個size會好細，點知同出邊百幾蚊一個嘅有得揮。
除咗好大個之外，切開佢塊牛肉漢堡都好Juicy，真係足料又抵食。
至於個$20吉列豬柳都好驚喜，我以為佢係普通碟上，點知佢都係鐵板。
最重要嘅係佢啲豬柳一啲都唔厚粉，食落去肉質仲好鬆軟，配埋個洋蔥汁，確實係唔錯。
另外我哋仲揀咗個深海魚柳配蒜蓉汁，我哋加咗$18轉套餐，所以會有薯條。
佢個魚柳都係啖啖肉，都係好薄粉。
最後梗係試埋佢餐廳嗰個最貴嘅牛柳啦，同樣跟咗薯條但係就配左黑椒汁，佢個汁一啲都唔辣啱晒大人細路。
佢個牛柳又真係冇落鬆肉粉都好林，而且五成熟又真係中間夠晒紅。
轉左做餐嘅話仲跟咗餐包，佢個餐包真係好軟熟，幾唔錯架。
仲有跟咗個羅宋湯，佢個湯都好足料，唔會太辣又唔會太酸，味道啱啱好。
最後佢甜品仲可以二揀一，有啫喱同埋雪糕揀。佢個朱古力雪糕好懷舊，我都未見過，唔知係咩牌子，但係有幾好味，唔會太甜。
Post
