Three Dice Kitchen (Closed)

份子料理聽就聽左好耐，但一直都無打算去食，因為好似好貴咁。點知比我發現左呢間THREE DICE，可以用平民價錢一試份子料理。二百左右既價錢，就有六道DISH，雖然每碟份量都係少少，加埋哂都幾飽。哈密瓜分子晶球配西班牙黑毛豬—哈密瓜晶球係由哈密瓜蓉同埋蜂蜜製成，咬破後，汁液湧出。而西班牙黑毛豬味道甘香，配上哈密瓜晶球係個清新既前菜。第二道菜所需時間較長，因為係即時烹煮日式高湯，高湯有木魚、大地魚粉等慣常湯料，味道濃郁，有海鮮既鮮甜。食用膠袋櫻花蝦肉鬆雲吞，係真係連膠袋食架。個膠入口即溶，同樣地，海鮮鮮味好出。針魚刺身配柚子醋粉末，主廚會用液化氮冰凍柚子醋，再炒散成冰粒。 針魚鮮甜配上酸甜柚子醋，入口好清新又得意。記得要清哂所有柚子醋粒粒~~龍蝦慕絲配魚子醬椰菜花既賣相好精美，聞落好香、好濃。食落味道都好濃郁，所以要連埋底下既椰菜花一齊食，味道中和後就岩岩好拉。食慕絲食得出肉味，真係個好特別既感覺。煙燻慢煮三文魚，真係好好食呀!細細舊既三文魚要慢煮25分鐘，先可以完成。所以口感非常嫩滑，完全不失水分。主廚仲為大家配上脫水橄欖、檸檬粒粒，令味蕾更刺激。男仔無飯又點會飽呢。所以最後有煲仔鮑汁