村上居酒屋 (Closed)

同朋友係旺角行完街，朋友想食下日本野，但唔想成日食連鎖店啲野食，就去左呢間村上居酒屋試一試。店中的設計理念偏向日本風，由於人太多，唔好意思影到其他人，就影一影啲佈置，店中都有幾多卡位，坐得幾舒服。我們分別點了特上壽司定食及壽司刺身定食。我食的是特上壽司定食，有前菜，主菜外，還有麵豉湯及甜品，有頭有尾，唔錯，我的特上壽司定食有海膽，元貝，三文魚等等，用上的材料是高質貨，食落魚鮮味道十足，亦沒有因因冷藏庫存後的味道，最重要的是口感不錯，魚沒有切得過厚或太薄，幾好，壽司是人手握的，夾起時亦很實在，不會過散，都幾好食。朋友食的刺身定食，他表示其中的三文魚及油甘魚最為出色，留下了不錯的印象給他。最後埋單為$236，日本菜黎講價錢都合理，質素亦不錯。