Passion (Closed)

幫襯過灣仔分店好多次，今次試下尖沙咀分店。平日夜晚都幾少客，唔到10個。Staff亦明顯比灣仔店少好多，得一個staff喺樓面，一個人做晒收銀、夾沙律、夾包，所以唔太得閒理啲客，等好耐至嗌到嘢食落到單。自選四式沙律用黑椒、橄欖油、醋等調味，食落味道天然，口感爽脆，非常refreshing最欣賞couscous沙律，充滿咖哩香味，配埋芫茜，極上癒！法式洋蔥湯燉雞腿燉窩面頭係一塊索滿晒雞湯汁嘅邪惡芝士法包，啲芝士有塊包一半咁厚，拉絲效果超強！！！洋蔥湯熱辣辣，惹味得黎唔會太濃原隻雞腿大大件，燉到離晒骨，啲肉好易咬，已經同啲湯融為一體燉窩免費配兩塊黑麥包同意粉，黑麥包烤到又熱又脆，密度高，有合桃，食落好香麥味，就咁食又得，點湯食亦得；意粉只有黑椒同少量牛油/橄欖油調味，分量剛剛好，不過有少少過左火，淋淋地唔夠咬口，整體都係OK嘅。