泰象館茶餐廳

Open Now

Now Closed

九龍城出名多泰國嘢食，有次行開去果頭晏晝食飯想食吓泰國嘢，見到原來泰象館開咗間茶餐廳，有啲泰國嘢食，又有啲港式茶餐廳嘢食，見價錢好平，幾廿蚊一個餐連嘢飲，一於去平食泰國嘢。炸蝦餅拼雞卷 $28先嚟個小食，雞卷味道幾好😋出面薄薄香脆腐皮包住香軟雞肉，一口一粒👍🏻。炸蝦餅係球狀，咬開嘅蝦肉略為散，蝦膠如果再打耐啲爽口啲會更好食，但係呢個價錢都收貨😌。泰式黃咖喱雞飯 $45泰國咖喱餸飯冇得輸，少少辣好惹味，其實我淨係撈汁都食到成碟飯🙈當然佢個咖喱都有唔少料，雞肉味道正常，仲有薯仔、洋蔥同埋三色椒。蒜蓉包 $24咖喱汁實在好好味，所以我哋特登叫多個蒜蓉包嚟點汁食😋蒜蓉包用上法包，搽上香草蒜蓉牛油，焗得金黃香脆，再點咖喱汁，邪惡好食👍🏻海南雞飯 $50呢度嘅油飯色水好靚，黃薑味濃郁，唔會好油膩👍🏻雞就普普通通，肉質正常，不過點上佢嗰碟泰式醬汁，即刻加分不少。