泰椰子

Open Now

Now Closed

這間位於係黃竹坑熟食中心嘅泰國菜唔錯，雖然係熟食中心，但地方都算夠乾淨，人少少得兩個人所以叫左兩個必食餸，泰式肉碎飽$55要少辣，份量大，炒得香口，肉碎包生菜咬落去有肉汁。生菜乾淨唔使揀。另外一碟咖哩炒軟殼蟹加蒜蓉包$148，由於已去到糧尾嘅時候，本想食大蝦咖哩嘅我，唯有揀價錢較平嘅咖哩軟殼蟹😺，蒜蓉包蒜味重，夠香脆，軟殼蟹份量算多，咖哩汁好香又濃，仲要唔係有椰漿味那款咖哩，配上洋蔥青紅椒顏色豐富吸引，再加上新鮮芹菜，只係配菜都好好味，有少少想叫個白飯撈咖哩汁食。