棠記海鮮小廚

Open Now

Now Closed

去到三聖，就會想食海鮮。唔想俾人當遊客，朋友介紹咗去呢間棠記。佢唔近海鮮市場嗰邊，反而係正三聖邨入邊。睇緊外面應該就係做開街坊生意。上網睇一睇人哋食啲乜跟住叫咗幾味避風塘賴尿蝦成隻手板咁長，炸得超香，賴尿蝦肉新鮮彈牙，食落仲有汁添。豉椒炒蜆超嫩超好味，如果同一班人食一定叫支青島飲。菠蘿生炒骨又係好正，D汁痴住喺啲排骨上面，搭上嚟仲會拉絲添。菠蘿輕輕烤過，好甜。蒜蓉炒唐生菜宜家供港蔬菜咁緊張居然仲有咁大碟菜俾我食😂我哋本地人去食嘅話呢間都食得過嘅，唔會好似啲遊客餐廳咁亂收費