花園餐廳 (淘大商場3期) (Closed)

今日好想懷舊一下，於是去咗淘大商場嘅花園餐廳食左一份鐵板肉眼扒餐，加埋一都係每人大約$80，作為平民，呢一個價錢真係完全對得住個餐👍🏻餐湯我地叫咗一個羅宋湯同埋一個忌廉湯，我飲忌廉湯，成碗湯好足料，真係唔錯。跟湯個餐包，好溫暖，又好軟棉棉，令人食落去真係好舒服。鐵板肉眼扒，我叫五成熟，肉質軟熟，大大塊。另外，我鍾意薯條另外碟上，薯條好脆，真心贊。最後叫咗杯凍檸茶，為今次依個平民午餐畫上一個完美嘅句號。