Video
Read full review
2021-11-16
92 views
今晚出開嚟黃大仙中心，想食日本嘢。喺kfc對面有間唔太起眼嘅和氣食屋，好似幾有feel咁，就入去試下啦。以為係啲頹頹嘅日食，點知都幾有心機整喎。佢本menu成本飲食雜誌咁，好多款式，種類多不特止，仲要頁頁都有圖有真相，性價比都好高。沙律、小食、壽司、刺身、粉飯類、甜品、刺身丼，一應俱全。未食已經目不暇給～自家製芝士厚燒玉子 （$49）玉子都食到蛋味，好清甜，有蛋汁。而且佢嘅芝士用咗片裝嘅車打芝士，個味道更突出。牛油果芒果三文魚班戟 （$50/2件）就咁聽呢個組合就已經知冇得輸啦。除咗牛油果、三文魚、班戟同美乃滋醬好夾之外，欣賞佢仲有擺蟹柳同埋蟹子做餡料，令到成個班戟口感再豐富咗。牛油果嘅清新，蟹柳嘅咬口，然後食到三文魚嘅鹹香鮮味，最後蟹子係口中卜卜爆開嘅口感大阪豬扒丼好似特盛丼咁，一上菜已經覺得好豐富呀。椰菜絲沾咗芝麻醬，香甜美味。底下嘅豬扒滑蛋同飯嘅份量超多，食得好飽呀。豬扒外層都炸得幾香脆，不過略嫌少少乾。櫻花蝦釣魚湯泡飯（$112）好特別呀！個飯嚟到之後店員即時幫我哋上鯛魚湯。石鍋滋滋聲，魚湯嘅香味四溢。加埋櫻花蝦，為啖飯增加鯛魚以外嘅鮮味。而且要湯仲可以隨時同店員講。另外仲配菠
自家製芝士厚燒玉子 （$49）
玉子都食到蛋味，好清甜，有蛋汁。而且佢嘅芝士用咗片裝嘅車打芝士，個味道更突出。
牛油果芒果三文魚班戟 （$50/2件）
就咁聽呢個組合就已經知冇得輸啦。除咗牛油果、三文魚、班戟同美乃滋醬好夾之外，欣賞佢仲有擺蟹柳同埋蟹子做餡料，令到成個班戟口感再豐富咗。牛油果嘅清新，蟹柳嘅咬口，然後食到三文魚嘅鹹香鮮味，最後蟹子係口中卜卜爆開嘅口感大阪豬扒丼
好似特盛丼咁，一上菜已經覺得好豐富呀。椰菜絲沾咗芝麻醬，香甜美味。底下嘅豬扒滑蛋同飯嘅份量超多，食得好飽呀。豬扒外層都炸得幾香脆，不過略嫌少少乾。櫻花蝦釣魚湯泡飯（$112）
好特別呀！個飯嚟到之後店員即時幫我哋上鯛魚湯。石鍋滋滋聲，魚湯嘅香味四溢。加埋櫻花蝦，為啖飯增加鯛魚以外嘅鮮味。而且要湯仲可以隨時同店員講。另外仲配菠菜捲，脆脆同埋飯素等自由配搭，啖飯嘅口感非常豐富，推介推介。焙茶芭菲 （$48）
焙茶雪糕好香，而且有牛奶味。咁嘅價錢，除咗雪糕仲有蕨餅（不過佢比我想像中冇咁煙韌），同埋唔同顏色嘅麻薯，抵到爛
Post
