Video
Read full review
2023-02-05
1049 views
襯天氣仲未回暖，好想搵個臘味糯米飯食，去搵返細個冬天會食到臘味糯米飯嘅味道。所以今晚就去左間灣仔名店去試下佢地既出品。其實自己都叫做半個灣仔人，成日都喺灣仔一帶出沒，亦喺唔同既媒體了解過今次去食既餐廳，但親身體驗今次先喺第一次。當晚大約8:30去到，名店就係名店，要排隊等約十張檯到。等緊途中有店員出嚟表示新登記既就會無晒糯米飯，真係好好彩可以上到尾班車。而最後等左三、四個字到就入得。既然咁難得就盡量叫想食既啦。鴛鴦腸臘味糯米飯上檯見到兩一對臘腸加埋油潤既糯米飯，同埋香噴噴既臘味香味就知道係冇黎錯地方喇。一啖糯米飯入口，夠乾身，充滿油香。調味啱啱好。對鴛鴦腸蒸得啱啱好，咬落條臘腸到d油香會爆發出黎。至於條膶腸，連一個唔好膶腸既我都忍唔住食左半條。味道甘香軟硬適中。如果唔係仲叫左其他野食，真係會想再叫多碗。膽固醇嘅嘢都係食埋今餐先講🙈喜愛度(5分為滿分): 4.5煎腸粉加雞蛋一碟看似普通既煎腸粉，上檯時已經有適量既豉油淋左上面。腸粉煎到外脆內軟就不在話下。加埋雞蛋去一齊煎估唔到可以提升到個味道咁多。係個種喺腸粉個米香之外加咗淡淡嘅蛋香，就連甜醬都唔需要加，都會令人食不停口。喜愛度(5分為滿
當晚大約8:30去到，名店就係名店，要排隊等約十張檯到。等緊途中有店員出嚟表示新登記既就會無晒糯米飯，真係好好彩可以上到尾班車。而最後等左三、四個字到就入得。既然咁難得就盡量叫想食既啦。
鴛鴦腸臘味糯米飯
上檯見到兩一對臘腸加埋油潤既糯米飯，同埋香噴噴既臘味香味就知道係冇黎錯地方喇。一啖糯米飯入口，夠乾身，充滿油香。調味啱啱好。對鴛鴦腸蒸得啱啱好，咬落條臘腸到d油香會爆發出黎。至於條膶腸，連一個唔好膶腸既我都忍唔住食左半條。味道甘香軟硬適中。如果唔係仲叫左其他野食，真係會想再叫多碗。膽固醇嘅嘢都係食埋今餐先講🙈
鴛鴦腸臘味糯米飯
43 views
0 likes
0 comments
喜愛度(5分為滿分): 4.5
煎腸粉加雞蛋
一碟看似普通既煎腸粉，上檯時已經有適量既豉油淋左上面。腸粉煎到外脆內軟就不在話下。加埋雞蛋去一齊煎估唔到可以提升到個味道咁多。係個種喺腸粉個米香之外加咗淡淡嘅蛋香，就連甜醬都唔需要加，都會令人食不停口。
煎腸粉加雞蛋
23 views
0 likes
0 comments
喜愛度(5分為滿分): 4.5
花生豬骨粥
呢個都係呢到既其中一個名物。豬骨粥喺我哋爸爸媽媽嘅年代可能會比較常食到，而家就較少係粥店叫到。呢到個粥粥底好棉，豬骨加埋淡菜為個粥提供左個鹹香味。花生香脆增加口感。簡簡單單嘅材料就能夠提供一個好好嘅味道，甚至乎係一個回憶嘅味道。
花生豬骨粥
25 views
0 likes
0 comments
喜愛度(5分為滿分): 4.5
咖喱魚蛋豬皮魷魚
好食。咖喱味濃，微辣。豬皮勁入味，魷魚夠爽，魚蛋就係以前車仔檔搵到既味道。
咖喱豬皮
27 views
0 likes
0 comments
喜愛度(5分為滿分): 4
腐竹薏米糖水
夠熱，有豆香，偏厚身，煲得個火侯啱啱好。好後悔冇加埋隻蛋（因為真係好飽喇）。
腐竹薏米糖水
35 views
0 likes
0 comments
喜愛度(5分為滿分): 4.5
後記
今晚所叫嘅所有嘢，其實都係以前細個冬天會食到既味道。當人大咗，社會開始進步，呢啲味道可能會買少見少。所以，係有能力、可以既話，就去搵翻呢個味道去回憶下。
咖喱魚蛋魷魚
63 views
0 likes
0 comments
Post
