鬍鬚仔 (Closed)

相信大家呢輪係新聞聽得最多係友愛邨有幾多人確診，早排我不畏懼咁行入愛定商場搵好西食，結果搵到呢間門面幾吸引的鬍鬚仔。聽朋友講，呢間鋪係區內人氣漢堡飽店，價錢街坊價，即使食最貴既餐仍比市面漢堡飽店平一截。對我而言，幾平都無用，最緊要係擺得入口，味道好就得。由於小弟唔食芥末，所以揀咗四式芝士牛堡黎食。賣相好靚、好吸引，揀蒜蓉包既原因好簡單，薯條好易搵到，唔係度度有得食蒜蓉包。蒜蓉包食落好鬆軟，蒜蓉味濃郁。四式芝士牛堡塊芝士溶到好似瀑布咁，畫面好唯美，食落有唔同層次既芝士味，出黎效果唔會過鹹，處理得幾好！