龍鳳祥餃子館 (Closed)

平時食餃子都坐得唔太舒適，但呢度有卡位，空間感十足。豆漿唔太甜，豆味略淡。餃子加$5可以㨂湯底，牛犇湯底牛味好濃，牛粒好鬆軟，芫茜味好香，而餃子粒粒飽滿，韭菜味好濃，皮帶點煙韌，唔錯。番茄湯底番茄味一般比較淡，唔叾番茄酸甜，肉三鮮餃中間有蝦肉，爽口鮮味，都唔錯。另外叫左細既雞絲粉皮，份量都唔少，芝麻醬味好濃，雞絲略嚡口，青瓜好爽脆，但粉皮比較淋，爽滑啲就更好。呢餐食到飽都系百幾蚊，絕對系平民美食。