凱泰船屋 (Closed)

話說星期六，無聊去左竹園廣場食燒賣，淨係食燒賣就緊係唔夠飽啦，見周圍咁多野食，兜左個圈就黎左呢間食船麵。咁就叫左個招牌船河，承惠39蚊，再加10蚊叫左杯泰式奶茶。招牌船河就有豬頸肉，豬肉丸同豬肉。我非常推薦佢既豬頸肉，好好食。豬肉片就麻麻地，有啲鞋難地。我揀左個船麵湯底，都幾好飲，有啲香料味。以39蚊有咁既質素，性價比都算唔錯。杯泰式奶茶有泰式奶茶既味，同時又唔會太甜，應該幾符合香港人既口味。另外仲有加多個炸蝦餅(28蚊4件) ，唔知果2條春卷係老闆娘送嘅，定係跟餐。😂熱辣辣嘅炸蝦餅同春卷都好好食。