Video
Read full review
2020-02-02
2024 views
本來想去吃另一間餐廳，但竟然休息。見到呢間茶記竟然都有條隊，唔通賣口罩？原來係排隊買蒸飯！因為好肚餓所以即管入去試吓。大部份人都係嗌蒸飯，我哋兩個人所以叫咗一個鳳爪排骨飯、一個五香肉丁麵餐同一個乾蒸燒賣。五香肉丁麵就冇乜特別，所以就冇影相啦。麵就用福麵感覺唔太飽肚，不過勝在有條菜肉丁都算大粒。先來嘅乾蒸燒賣的確有點驚喜，非常大粒係平日公仔點心嘅兩倍！肉又肥瘦適中，最初覺得$25有啲貴但見到咁利害又覺得好抵！鳳爪排骨飯都係大大碗，因為流量好快所以佢大量生產，每碗上嚟都仲係熱辣辣。最特別係佢加咗啲鹹酸菜，估唔到配上蒸飯食吊一吊味又幾夾！排骨都係超多所以覺得非常抵食！係呢啲日子人都少啲出街，附近食肆都唔太多人，唯獨呢間人流不絕，果然薑係老嘅辣！
五香肉丁麵就冇乜特別，所以就冇影相啦。麵就用福麵感覺唔太飽肚，不過勝在有條菜肉丁都算大粒。
先來嘅乾蒸燒賣的確有點驚喜，非常大粒係平日公仔點心嘅兩倍！肉又肥瘦適中，最初覺得$25有啲貴但見到咁利害又覺得好抵！
鳳爪排骨飯都係大大碗，因為流量好快所以佢大量生產，每碗上嚟都仲係熱辣辣。最特別係佢加咗啲鹹酸菜，估唔到配上蒸飯食吊一吊味又幾夾！排骨都係超多所以覺得非常抵食！係呢啲日子人都少啲出街，附近食肆都唔太多人，唯獨呢間人流不絕，果然薑係老嘅辣！
121 views
1 likes
0 comments
85 views
0 likes
0 comments
Post
