囍運冰室 (鴻祥大廈)

Open Now

Now Closed

同朋友睇完戲，因為而家疫情嘅關係好多地方10:00都閂咗門，咁啱行過見到呢一間仲開緊門可以入去食啲嘢。入到去人都幾多下，可能因為得呢一間餐廳比較開得夜，我諗餐廳坐滿都有8成嘅食客。同朋友坐低睇吓有啲乜嘢食可以叫，見到都有啲宵夜嘅餐，有飯面亦有麵包，價錢大概$50至$60左右麵包就比較平啲$40左右就食到。我最後揀咗一份全日特餐，佢有羅宋湯烏冬，炸魚柳香腸炒蛋，茄汁焗豆。呢個餐都唔算好貴，大約$70左右。我朋友就揀咗一個豬潤麵，味道方便普普通通嘅，魚柳都脆既，唔算差唔算特別好食，只係環境比較擠迫。