壹號車仔麵 (Closed)

馬鞍山區平民車仔麵，見到佢價錢幾抵，車仔麵$38有三餸。揀咗陳皮魚蛋、牛柏葉、牛丸沙嗲汁米線。陳皮魚蛋有好多粒，牛柏葉幾爽口，牛丸就相對地大粒。沙嗲汁味道唔錯，如果沙嗲汁可以有多啲就更加好！另一碗叫咗大腸、鯪魚餅、韭菜餃粗麵。鯪魚餅夠大塊，煎香過味道唔錯。韭菜餃好大粒，爆滿韭菜好足料！大腸冇臭味～幾有咬口！小食叫咗生菜鯪魚肉，鯪魚肉幾彈牙，而且大大碗份量夠多。炸魷魚鬚夠香脆！叫咗燒賣熱辣辣！簡簡單單平平哋食一餐抵呀！