韓正屋韓國料理 (海壩街)

Open Now

Now Closed

係荃灣個頭行街，又唔想係商場食d連鎖店，所以去左福來村附近既地舖食。間舖係香車街街市附近，唔算近地鐵站，不過為左搵好野食行下又冇咩所謂。舖頭唔算好大，不過坐落唔會好逼。打開menu食物選擇都幾多，心大心細唔知揀咩好。最後嗌左韓式壽司、板燒飯泡菜炒豬腩肉、韓食泡菜冷面、韓式煎雞翼，後加個柚子豆腐沙律。首先，主食黎到先。韓式壽司賣相都唔錯，幾足料。不過，味道就冇咩特別，中規中距。板燒飯泡菜炒豬腩肉賣相望落幾吸引，份量都唔少。泡菜炒豬腩肉食落微辣， 豬腩肉肥瘦岩岩好，又唔會un，Vi就幾鐘意啦。不過豬腩肉既份量再多 d會更好，食食下會發覺泡菜淨好多。Vi既朋友話要減肥又話熱熱地，所以嗌過冷面。冷面份量同樣唔少，不過佢話食落淡左少少，真係健康之選。然後就到雞翼啦！新鮮煎好熱辣辣上碟，外表睇落冇咩特別，但隻隻都幾飽滿有肉。食落有蜜糖甜甜地，又冇雪藏同血腥味，Vi都幾滿意 。最後，朋友話想嗌個沙律試下。柚子汁酸酸甜甜好開胃，同豆腐又好 match。豆腐好滑又涼涼地好岩夏天食。碟沙律睇落細細碟，但都幾多豆腐。呢間韓食價錢都平，份量又夠，雖然食物唔算好特別同岀色，但可以一試。