和平餐室 (深水埗海達)

Open Now

Now Closed

今日同朋友喺佢放工嘅地方附近搵食。見呢間餐室好似平平哋，又多人幫襯，就決定食吓。餐廳裝修幾乾淨企理，又夠光猛。我哋叫咗幾款小菜，價錢都幾貼地。魚香茄子煲 $68色香味俱全嘅魚香茄子煲，茄子煮得好入味同埋軟身，落咗少少辣椒有少少辣，配埋肉碎撈飯非常之入味。川味香辣水煮魚 ($88)呢個價錢食水煮魚真係抵到爛，而且質素又唔差。雖然未必同到二百幾三百蚊大大碗嘅比，但係已經好好啦。魚片都滑嘅，而且無骨，魚皮有啲彈牙。除咗魚片之外，仲有其他配菜好似係雲耳、寬粉、芽菜。個味亦都夠麻同好香，辣度適中。椒鹽腰果鮮魷($93)即叫即炸，上菜嘅時候仲好熱。鮮魷外脆內軟，唔會太乾。連埋啲一齊炸嘅腰果同埋炸蒜食好香口。炸到金黃色，食到唔停口。叫小菜可以配湯或者白飯。可以用半價買嘢飲。呢個樽仔奶茶有啲甜，如果唔鍾意配好嘅甜度，就叫返普通奶茶會比較好。