壹號餐廳

Open Now

Now Closed

今晚係男朋友屋企瞓，唔想去咁遠就求其係屋企附近食個晚飯，今次就去左呢間壹號餐廳。薑蔥霸王雞勁出色，入口雞肉好滑，一啲都唔會乾，加上薑蔥味都好出😋椒鹽三蔬入面有茄子、花生苗同洋蔥圈，炸完之後口感爽脆，即使係蔬菜但炸完之後仍然保持一定嘅乾爽度，唔會成口油！呢個好值得讚賞😋豉椒炒蜆都好鮮鮮甜甜，粒粒都係超大粒既，豉椒汁好香阿，送飯簡直係一流阿☺️😚西蘭花魚柳個賣相係靚仔吸引既，有幾款唔同既顏色，見到都已經好想食嫁啦，西蘭花🥦新鮮翠綠，魚柳不過不失！食到我地勁飽，本身仲諗住食個頹飯，點知呢啲平民餐廳啲水準都唔差🤤下次可以再嚟食😆唔洗成日諗食乜！