丸亀製麵 (iSQUARE國際廣場)

Open Now

Now Closed

想食烏冬就會諗起丸龜，平日去咗尖沙咀iSquare嘅分店。店內都係採取先揀嘢食，後俾錢嘅方式。環境都幾寬敞。蕃茄牛肉烏冬（中），$39（下午茶價），原價$52，牛肉份量幾多，有先用汁煮過，好入味。蕃茄湯就好濃蕃茄味，質地都好濃稠，食到蕃茄最原本嘅味，都係茄膏再加蕃茄粒咁。日本蕃薯天婦羅，$8｜海苔竹輪天婦羅，$14，丸龜嘅炸物全部都係預先炸定，所以食到入口個時都預咗係凍，但味道真係唔錯，而且唔會話炸完之後淋曬，仲保持到應有嘅脆度。蕃薯天婦羅味道正常，海苔竹輪天婦羅味道幾特別，平時食竹輪唔會加海苔，但味道係好夾。