港興大飯店

Open Now

Now Closed

星期六係大圍食飯，選擇不多，而呢一間都算係中菜之中嘅首選，平民價錢食心機客家小菜。今晚叫左三味菜一個湯。湯方面叫左腐竹豬肺白果湯，煲完出來奶白色賣相吸引。飲落口腐竹、同豬肺嘅味道搭配非常，濃香滿口。而佢啲湯渣有豬肺同豬肚，全部都係心機之作，剩係洗乾淨都搞半日。鹽焗雞係客家菜必食菜色之一，鹽味基本上每一家餐廳都大同小異，最緊要係雞嘅質素。而呢度鹽焗雞做得岩岩好，唔會過熟雞肉略帶經，肉質滑溜，而雞本身亦好有雞味，同鹽焗嘅味道十分之夾。紅燒豆腐係另一相對健康之選，起碼冇咁啖啖肉。最後就係米芝連咕嚕肉，開頭俾佢個名搞到期望太高，但係食落又覺得冇乜特別，外面肯定會有比佢質素更好嘅咕嚕肉。