周師傅點心 (Closed)

週末尼到深水埗買電話卡，一出地鐵站就見到周師傅點心有位，於是就食點心做晚飯。店仔細細, 但枱面空間都大, 枱同枱之間都唔逼。Menu 有中英對照。落單就寫係紙到。蝦餃，皮薄，蝦肉都幾足料，夠新鮮。XO醬蘿蔔糕，香口入味但唔太辣，份量足夠。芝麻蝦多士，薄多士放滿蝦肉再沾滿黑白芝麻，將普通蝦多士加多一份獨特既口感同香味。點泰式辣醬好夾。奶黃流沙包，外皮同普通奶黃包唔同，係橙黃色。流沙餡比較少，但都好味。脆皮馬拉糕，烘過既馬拉糕外脆內軟，比起一般馬拉糕既軟身好唔同，好食。杞子桂花糕，正常味道。凍檸茶檸檬新鮮，茶味香濃。