Video
Read full review
2025-01-11
211 views
喺屯門探完朋友，過咗嚟 V City 行下，喺商場地下見到有間燒味店，走近一看，原來係「燒洒一族」嘅新分店。之前喺樂富街市幫襯過，商舖專攻外賣，燒味款式齊備，價廉物美，一於食過返尋味。店舖主打新派西式燒味，有脆皮豬手、燒春雞、烤豬肋骨、西式燒味飯同一系列酒醉及麻辣食品供應，花款非常之多，啱晒外賣返屋企同家人齊齊分享。特大德式燒鹹豬手 ($118) 豬手勁大隻，外皮烤至脆卜卜，肉質肥瘦剛好，腍滑得嚟又有肉汁，香口鬆化，蘸點附上嘅自家製蜜糖芥末醬吃，更添風味。蒜香南乳春雞 ($68) 隻春雞燒得啱啱好，皮脆肉嫩，雞味濃郁，一咬啲肉汁就流晒出嚟，吃時更帶陣陣南乳香，誘發食慾。自家製燒腩仔 ($65/條) 腩仔外皮超脆，瘦肉同脂肪層層疊，肉質軟腍但又唔鬆散，有豬肉香卻沒有豬臊味，加上鹹度恰好，送飯一流！香甜蜜味雞髀 ($40/2隻) 雞髀大大隻，外皮塗上了一層蜜糖，雞肉好厚身，滑溜得嚟又夠蜜味，入口啖啖肉，成隻揸住食，勁滿足。
喺屯門探完朋友，過咗嚟 V City 行下，喺商場地下見到有間燒味店，走近一看，原來係「燒洒一族」嘅新分店。
之前喺樂富街市幫襯過，商舖專攻外賣，燒味款式齊備，價廉物美，一於食過返尋味。
店舖主打新派西式燒味，有脆皮豬手、燒春雞、烤豬肋骨、西式燒味飯同一系列酒醉及麻辣食品供應，花款非常之多，啱晒外賣返屋企同家人齊齊分享。
特大德式燒鹹豬手 ($118) 豬手勁大隻，外皮烤至脆卜卜，肉質肥瘦剛好，腍滑得嚟又有肉汁，香口鬆化，蘸點附上嘅自家製蜜糖芥末醬吃，更添風味。
蒜香南乳春雞 ($68) 隻春雞燒得啱啱好，皮脆肉嫩，雞味濃郁，一咬啲肉汁就流晒出嚟，吃時更帶陣陣南乳香，誘發食慾。
自家製燒腩仔 ($65/條) 腩仔外皮超脆，瘦肉同脂肪層層疊，肉質軟腍但又唔鬆散，有豬肉香卻沒有豬臊味，加上鹹度恰好，送飯一流！
香甜蜜味雞髀 ($40/2隻) 雞髀大大隻，外皮塗上了一層蜜糖，雞肉好厚身，滑溜得嚟又夠蜜味，入口啖啖肉，成隻揸住食，勁滿足。
Post
