Video
Read full review
2022-04-02
659 views
近日有勁多點心舖唔開，酒樓都係，想食好耐，但一係早收一係冇開，所以今日咁啱比我係灣仔搵到間點心舖😆😆呢間叫中心點既舖頭細細間，但座位唔會好逼，佢都唔係好多人可能係lunch時間，呢度舊區比較多好多公公婆婆都會等下午茶時段先至過嚟因為會有八八折😌😌佢呢度嘅點心有啲都幾精緻，我哋好快咁就嗌咗幾樣特別嘅點心，包括有大紅大紫脆皮鮮蝦腸，行運甘筍鹹水角，七彩金箔原隻蝦餃皇，沙巴蝦燒賣皇，黑金流沙包同埋今次最特別嘅阿華田網紅沙皮狗😍😍😍🍤首先講吓個脆皮鮮蝦腸佢出邊紅色嗰層係紅米皮嚟，入邊有原隻炸左既蝦，咬落去真係超脆，隻蝦又夠新鮮彈牙👍🏻👍🏻🥠鹹水角個外表成條蘿蔔咁，好有心思，入邊嘅餡料完全係傳統嘅鹹水角餡料，咬落去外脆內軟熱辣辣，餡料又夠多😋😋最緊要係個款夠特色🥟個蝦餃皇點解係叫七彩，係因為你會見到面頭個蝦餃皮有少少淡粉紅，若隱若現咁再有金箔點睛，睇落都夠殺食，仲唔係得個樣，裏面嘅蝦係原隻咁釀入去，都係超級新鮮同爽口👏🏻👏🏻個燒賣睇落去平平無奇，但原來入面餡料豐富，我最鍾意嘅舊式燒賣裏面係有冬菇面頭再加上蟹子，絕對唔會粉，唔錯唔錯😍😍不過流沙包就有啲美中不足，佢個外表比起一般嘅流沙包係偏淺色，其
呢間叫中心點既舖頭細細間，但座位唔會好逼，佢都唔係好多人可能係lunch時間，呢度舊區比較多好多公公婆婆都會等下午茶時段先至過嚟因為會有八八折😌😌
佢呢度嘅點心有啲都幾精緻，我哋好快咁就嗌咗幾樣特別嘅點心，包括有大紅大紫脆皮鮮蝦腸，行運甘筍鹹水角，七彩金箔原隻蝦餃皇，沙巴蝦燒賣皇，黑金流沙包同埋今次最特別嘅阿華田網紅沙皮狗😍😍😍
🍤首先講吓個脆皮鮮蝦腸佢出邊紅色嗰層係紅米皮嚟，入邊有原隻炸左既蝦，咬落去真係超脆，隻蝦又夠新鮮彈牙👍🏻👍🏻
🥠鹹水角個外表成條蘿蔔咁，好有心思，入邊嘅餡料完全係傳統嘅鹹水角餡料，咬落去外脆內軟熱辣辣，餡料又夠多😋😋最緊要係個款夠特色
🥟個蝦餃皇點解係叫七彩，係因為你會見到面頭個蝦餃皮有少少淡粉紅，若隱若現咁再有金箔點睛，睇落都夠殺食，仲唔係得個樣，裏面嘅蝦係原隻咁釀入去，都係超級新鮮同爽口👏🏻👏🏻
個燒賣睇落去平平無奇，但原來入面餡料豐富，我最鍾意嘅舊式燒賣裏面係有冬菇面頭再加上蟹子，絕對唔會粉，唔錯唔錯😍😍
不過流沙包就有啲美中不足，佢個外表比起一般嘅流沙包係偏淺色，其實個包都係好軟熟，咬落去冇嗰種好實嘅感覺，佢入邊都係流沙黎，但不足嘅就係，佢嗰種流沙係比較淡，黃唔夠香
🍫最尾到個阿華田沙皮狗啦，佢其實係奶凍嚟，味道有啲淡，賣相都ok既，但可以再精細啲，有啲位矇咗，可能轉雪糕會好啲，夠晒硬，因為之前喺香港都食過有一間佢係八哥雪糕嚟，超正，真係真到唔敢食佢😆😆😆
Post
