Video
Read full review
2018-12-23
1132 views
今個聖誕想同另一半食豪d？食omakase又太貴？唔緊要等小編介紹呢間平民omakase，最平400蚊有找，Lunch去仲有8折添！小編同友人叫左兩個丼飯同一個小食，分別係夢之丼、一番拖羅丼同黑松露玉子燒。首先上既係黑松露玉子燒。黑松露玉子燒一客四件，玉子卷住黑松露，一啖咬落去暖笠笠，濃郁既黑松露配搭本身味道唔重既玉子，一d都唔會覺得膩，仲好開胃，係唔錯既前菜。食完前菜，丼飯好快就到。作為同店名一樣既招牌菜，夢之丼當然唔簡單，但夢之丼價錢並唔係丼飯中最貴，只係$298姐。店員提醒有個橙醋，可以先食左橙，剩返既醋就用黎食帆立貝。夢之丼既帆立貝上面卷左昆布，帶少酸同咸味，再加埋橙醋，小編真係未食過咁好味既帆立貝！夢之丼真係落足料，除左帆立貝仲有廣島蠔同北海道馬糞海膽。三文魚子同海膽送飯真係一流，仲有牡丹蝦同拖羅蓉，小編覺得好滿足🤤另一個丼飯一番拖羅丼顧名思義就係拖羅送飯，但千祈唔好覺得好普通。呢個丼飯包含左大鮪魚腩、中鮪魚腩、碎蔥鮪魚腩、大灸大鮪魚腩、赤身漬同玉子漬。玉子漬撈落拖羅到食，超好食！！！每件拖羅都係肉質鮮嫩，有陣陣天然既油香，唔怪之得會比招牌夢之丼貴，價錢為$338。值得一提係
今個聖誕想同另一半食豪d？食omakase又太貴？唔緊要等小編介紹呢間平民omakase，最平400蚊有找，Lunch去仲有8折添！小編同友人叫左兩個丼飯同一個小食，分別係夢之丼、一番拖羅丼同黑松露玉子燒。
首先上既係黑松露玉子燒。黑松露玉子燒一客四件，玉子卷住黑松露，一啖咬落去暖笠笠，濃郁既黑松露配搭本身味道唔重既玉子，一d都唔會覺得膩，仲好開胃，係唔錯既前菜。
食完前菜，丼飯好快就到。作為同店名一樣既招牌菜，夢之丼當然唔簡單，但夢之丼價錢並唔係丼飯中最貴，只係$298姐。
店員提醒有個橙醋，可以先食左橙，剩返既醋就用黎食帆立貝。夢之丼既帆立貝上面卷左昆布，帶少酸同咸味，再加埋橙醋，小編真係未食過咁好味既帆立貝！
夢之丼真係落足料，除左帆立貝仲有廣島蠔同北海道馬糞海膽。三文魚子同海膽送飯真係一流，仲有牡丹蝦同拖羅蓉，小編覺得好滿足🤤
另一個丼飯一番拖羅丼顧名思義就係拖羅送飯，但千祈唔好覺得好普通。呢個丼飯包含左大鮪魚腩、中鮪魚腩、碎蔥鮪魚腩、大灸大鮪魚腩、赤身漬同玉子漬。玉子漬撈落拖羅到食，超好食！！！
每件拖羅都係肉質鮮嫩，有陣陣天然既油香，唔怪之得會比招牌夢之丼貴，價錢為$338。
值得一提係呢到既丼飯唔需要落任何醬料已經好入味，小編好奇之下問左店員，原來呢個既丼飯都加入赤醋，所以本身就咁配搭海鮮一齊食已經好好味，唔需要加料。
所以小編真心推介呢間平民版omakase，如果想真係食omakase呢到都有，價錢係600-1000不等。聖誕諗唔到帶另一半食乜，夢之丼將會係唔錯既選擇！
Post
