趣意廚 (順景華庭)

Open Now

Now Closed

暫時雙失青年未開工，要節衣縮食。搵食小伙記搵到呢間平靚正嘅餐廳。全日一人套餐由$44- $54，岩曬，食食下仲見到都有唔少中學生放學黎食。呢個價錢都唔會要求太高，都係用冰鮮急凍海鮮，但勝在海鮮份量都多，有魷魚、蝦仁、蜆、仲有港式西餐唔少得嘅蟹柳。蕃茄醬調味正常，醬嘅份量啱啱好包著闊條麵，唔會太稀或太杰。小食擇咗烤雞，夠滑。調味方面，如果多啲蜜糖味會更好。衛生方面值得一提，佢預先用膠袋pack起一set set匙羹叉，唔會直接暴露係空氣中。