皇寶餐廳小廚 (Closed)

今日係冬至呀～冬大過年~不過我地屋企又冇話特別慶祝~所以冇去酒樓食飯~不過呢喺茶餐廳食一樣可以食得好！四個人就嗌咗四餸一湯 ，先黎一個椒鹽魷魚同埋椒鹽豬扒，再加一個清蒸沙巴同埋臘味炒芥蘭，之後再加多一個瑤柱魚肚粟米羹~份量都已經好足夠啦！呢間不嬲都係我哋嘅飯堂嚟嘅~所以一直都好支持佢㗎 其實我老豆食嘢比較麻煩口味比較 要求高家~ 所以佢食開呢間就覺得呢間好~咁我自己又覺得呢間啲味道都ok嘅~而且份量都幾足下~上菜速度都好快！如果相比起去茶樓食冬至飯應該又要等好耐又多人上菜速度都未必有咁快有飯食喔！ 清蒸沙巴同埋椒鹽豬扒 個人都覺得要讚下嘅不過椒鹽魷魚就失色咗少少啦~個人就覺得一般囉~