銀咖哩

Open Now

Now Closed

一向喜歡日式咖哩，蛋包飯又係另一心水。平日去開既鋪頭，一個豬扒蛋包飯閒閒地過百蚊，難得呢間銀咖哩，咖哩吉列豬扒飯先$3x蚊豬扒飯本身冇蛋既，要另外加錢買。但好奇怪，只係得芝士蛋奄列，冇齋蛋奄列，結果店員姐姐教我買芝士奄列走芝士。 豬扒大大塊，咖哩汁睇落有d小，但都足夠撈哂成個飯。咖哩汁甜甜地，差不多完全唔辣，亦唔算杰，裡面有小小肉碎，幾小塊薯仔紅蘿蔔。蛋煎得有點老，但勝在份量足。豬扒非常香脆，但脆漿比豬扒厚，但因為炸得夠脆，配搭咖哩飯仍然很美味。唯一美中不足既係，飯量很細，女士還好，男士一定唔夠喉。