意粉屋 (Closed)

自從跟老細推介嘅餐廳食飯，但一次又一次中伏，為咗平行心態，於是即刻去我的最愛 - 意粉屋！點咗兩個一位用 set，龍蝦湯，磨菇忌廉湯，招牌炸雞籃，雙重芝士煙火腿煙斗粉.優點：1, 龍蝦湯同磨菇湯夠香夠濃郁.2, 招牌炸雞食超過30年，外脆內軟，相比起D什麼韓國炸雞，意粉屋嘅炸雞更啱自己口味.3, 蘋果批外層香層，蘋果亦香甜.缺點：1, 冷氣嚴重不足，廁所重涼過餐廳！2, 雙重煙斗粉味道過重，過咸.3, 服務水準有不足，點個酥皮磨菇湯變酥皮龍蝦湯，要搬走個酥皮，點蘋果批又漏單.今次俾唔到滿分，但我仍然會繼續幫襯.