Video
Read full review
2020-09-04
52 views
以往一大班人聚會叫外賣十居其九都係叫平價薄餅，我不嬲都覺得好難食，個批又硬又乾，咬一啖就想成塊車落個盒度，意粉又係見到都唔開胃，一係乾，一係發脹。今次去左間從未試過ge平價薄餅店堂食，睇下可唔可以抹去我對平價薄餅ge偏見。🍴曼克頓（6吋） HK$62薄餅醬底有番茄醬、千島醬、特色醬三大類，熱食配千島醬我真係頂唔順，始終都係鍾情番茄醬，而有款特色醬都幾吸引，就係麻辣烤鴨，見字都覺得惹味，有機會再試。今次叫左曼克頓（辣肉腸、豬肉、洋蔥、青椒、蘑菇），揀佢純粹因為想食辣肉腸、蘑菇，同埋唔想食菠蘿，同佢個名完全無關，而我都想知點解叫曼克頓，有無薄餅專家可以解答？薄餅即叫即焗，仲要係心形，見到真係嚇一跳，通常無料到先整色整水，食落另眼相看，厚批外脆內軟，唔會硬到要掉落街，果然係每日新鮮手造。醬汁同配料都夠，辣肉腸、青椒同芝士ge香味好夾，唔會比芝士味搶晒。🍴肉醬意粉 HK$55望落似樣，夠汁，無發脹。食落雖然未到al dente，但絕對唔會過腍，好過坊間唔少餐廳。不過肉醬就無乜特別，香料略嫌唔夠，好在有辣椒仔打救。🍴惹味烤雞（檸檬味） HK$17意粉本身跟餐加兩蚊有一件，另外單叫一件17蚊。味道
🍴曼克頓（6吋） HK$62
薄餅醬底有番茄醬、千島醬、特色醬三大類，熱食配千島醬我真係頂唔順，始終都係鍾情番茄醬，而有款特色醬都幾吸引，就係麻辣烤鴨，見字都覺得惹味，有機會再試。今次叫左曼克頓（辣肉腸、豬肉、洋蔥、青椒、蘑菇），揀佢純粹因為想食辣肉腸、蘑菇，同埋唔想食菠蘿，同佢個名完全無關，而我都想知點解叫曼克頓，有無薄餅專家可以解答？薄餅即叫即焗，仲要係心形，見到真係嚇一跳，通常無料到先整色整水，食落另眼相看，厚批外脆內軟，唔會硬到要掉落街，果然係每日新鮮手造。醬汁同配料都夠，辣肉腸、青椒同芝士ge香味好夾，唔會比芝士味搶晒。
🍴肉醬意粉 HK$55
望落似樣，夠汁，無發脹。食落雖然未到al dente，但絕對唔會過腍，好過坊間唔少餐廳。不過肉醬就無乜特別，香料略嫌唔夠，好在有辣椒仔打救。
🍴惹味烤雞（檸檬味） HK$17
意粉本身跟餐加兩蚊有一件，另外單叫一件17蚊。味道類似西檸雞，但較溫和唔會酸過頭，雞ge部位隨機派發，我地呢份係雞上髀，同樣即叫即烤，皮好香脆，切開好多肉汁湧出，肉亦都夠嫩，出色。
📍薄餅怪獸
土瓜灣馬頭圍道418號樂意居地下2號舖
Post
