金麗星酒家 (Under Renovation)

見到傳單話呢間酒樓有任飲任食打邊爐，8:30前入坐$138全包，咪決定走去試下law，點知就出事，真係光棍佬教仔「便宜莫貪)，最慘佢又真係唔係好算便宜。食物方面選擇係少d，不過都有蝦、鯇魚片(不是脆肉鯇魚)、鯇魚腩同鵝腸等。咁多樣野，稍為好食少少嘅只有鯪魚滑同肥牛(不過肥牛都真係幾肥)，其他嗰d都真心唔掂，豬肉丸成舊都係粉；蝦平均3隻有1隻係霉嘅；鵝腸就好似食緊橡筋咁好有彈性；炸魚皮個樣呃到人，但係食落都係唔掂嘅。都真係唔明點解呢間酒樓會爆埸。