活蘭印度素食 (Closed)

今日同太太返中大行下，得知開咗新印度素食餐廳，一齊去撐下枱腳試下味，叫咗兩味加兩杯野飲。1. 米餅配薄荷汁一流，個汁調味好好。本身Pani Puri喺香港都唔易搵，以前喺重慶大廈試過味道麻麻，呢間味道好好多，亦平過出面。2. 芝士班戟都幾好，芝士份量夠足，又唔會太濃味。3. Mango 同 Banana Lassi味道都唔錯，甜得嚟唔會漏，用椰汁有驚喜。環境方面，位處中大玻璃屋，泳池加山景，相當享受，座位亦算舒適。Overall，性價比高，值得推介同支持。