活蘭印度素食 (Closed)

今日同太太返中大行下，得知開咗新印度素食餐廳，一齊去撐下枱腳試下味，叫咗兩味加兩杯野飲。1. 米餅配薄荷汁一流，個汁調味好好。本身Pani Puri喺香港都唔易搵，以前喺重慶大廈試過味道麻麻，呢間味道好好多，亦平過出面。2. 芝士班戟都幾好，芝士份量夠足，又唔會太濃味。3. Mango 同 Banana Lassi味道都唔錯，甜得嚟唔會漏，用椰汁有驚喜。環境方面，位處中大玻璃屋，泳池加山景，相當享受，座位亦算舒適。Overall，性價比高，值得推介同支持。

叫左乳酪薯仔炸米餅$35, Dosa$30, Chai Tea$12,學生價食到Woodland，真係好幸福。我去過尖沙咀Woodland幾次，果邊食物真係好好味，但都幾貴，唔可以成日去。呢邊出品個單人Dosa，平平地$30有芝士，有個雜菜汁 （我當佢湯咁飲），有個椰子做成白色既醬。個Dosa其實完全唔洗點牆醬都好好味，D芝士夾埋落去，口感濃厚又香，又脆！乳酪薯仔炸米餅，有6件，因為一個人食唔切，所以食到最後 3個就凍晒，一凍就會軟左無咁好食，以後都係要搵多個人先食呢樣，不過響度咁平食到Woodland真係一件非常好既事，支持素食～另外杯Chai Tea唔知係咪就返香港人口味，好似無乜甜味，但D香料一樣咁勁，如果想飲傳統果隻，大家就要自己落糖啦，但當然唔落就健康D，自己選擇！ 會再去試埋其他野既～員工，環境，整體都非常好～

作為印度菜愛好者，cheat day 9成都係食Naan同咖喱，所以見到新素can係印度野都好興奮🙈不過老闆話呢度主要賣南印度嘢食，所以Naan唔係主打，反而推薦我嗌Dosa呢款煎餅，佢亦都話呢度嘅咖喱會比較稀😲抱住試咗先講呢個態度，我就叫咗份Dosa，因為$30好平，所以額外加咗mushroom masala (+$10) 🌮等咗10分鐘後就有得食，睇落真係好巨形，感覺有啲似法式嗰啲大pancake🤣搣開嗰下會有脆卜卜嘅聲，但擺入口就完全唔係嗰回事，好似浸淋咗嘅粟米片，霉霉地又有啲咬口🤔無論食邊部分嘅dosa都係差唔多口感，所以應該唔係浸淋咗或者煎得唔平均🤓總之成個口感真係好搞笑，平時唔食開嘅話未必會鍾意💩咖喱味道比較單調，某種香料味好突出，感覺上冇平時食開嘅咁融洽，但至少唔係死辣😗不過Mushroom Masala好好味，建議有個option係咖喱轉Masala，因為擺咗喺入面浸淋曬塊dosa，而且好油，食到嗰部分真係有啲反胃😣白色醬有好香豆味，味道上比較容易接受🙈不過此終唔係食印度菜大，亦都唔肯定平時啲餐廳有冇調較過去迎合香港人，所以各位都真係要試過先知😛

素can最近有唔知第幾個version📢睇門口疑似致敬電影 Three Idiots 嘅擺設，唔難估佢哋賣印度素食🥘Veg Biryani Served w/ Yoghurt ($45) ●●●◐○<Basmati rice, spices & mixed vegetables>好大碟飯🤭啱晒食素大胃王我哋一路食一路話：「有肉食就好⋯⋯」好諷刺right其實佢個飯本身味道唔差，以齋菜嚟講算足夠 不過質感同味道上差噉啲對比 個飯可以炒得乾身啲 配yogurt食冇咁腬同埋感覺都幾唔同😮講到尾都係我哋食唔慣素🙏🏻兩個都係食肉獸🐽Mushroom Taco ($45) ●●●●○<Rice and lentil pancakes/Dosas & mushroom masala>Mushrooms are FILLED to the BRIM🍄成件taco無論係個皮定啲菇都好有咬口，夾埋芝士食比想像中香 微辣 可以試👍🏻記住攞紙巾抹嘴🫢📍Woodlands💰: ●●●●○環境、服務: ●●●●◐ 職員用心介紹菜式～canteen嚟講好少有🤣

據說這間印度素食餐廳屬於南印度風味，有別於北印度以小麥為主食的料理方式，這間餐廳的料理使用更多形狀較長的稻米。有部分麵包也據說是由米製成的。除此之外，風味獨特的調味醬料也有著令人滿意的表現。本店環境也明亮整潔可惜的是，本店以學生餐廳而言價格偏高（相比市區的其他連鎖店倒是已有優惠），如果獨自前往用餐，每次能夠品嚐到的料理可能十分有限，因此，建議大家可以偕同三五好友一同前往，並且分享不同風味的各式料理。

之前行過見裝修，終於裝修好。想不到中大也有印度素食，現在真是多元文化。可惜的是沒有印度烤餅，今天不想食飯，點了No.1. 由於活蘭素食本身有其他分店，食物質素不成問題，味道不錯，炸咖喱薯仔球同夾麵包是辣的，環顧四周好像沒有水提供, 有罐裝飲品. 原來menu 上 coming soon 是印度特色飲料。可喜的是星期六開，不知有沒有人遠道而來呢？餐廳有印度員工, 顯示中大進步了。之前嘅素食餐廳生意不太好，希望呢間可以做長。

見到中大有新素can，急不及待黎試吓。雖然款式係有新鮮感，食物質素都OK嘅～係比較多煎炸辣嘢，喉嚨痛唔好去～ 未試過都值得去試吓嘅～但想講佢個menu好tricky. 圖文不乎，又無話只供參考～ 大家要留意我同友人叫咗個Dosa原味煎餅，個圖表示有兩卷，但其實得一卷，個menu都（細細粒）寫咗係1pcs! 另，個menu大大隻字$30. 但個收銀問要咩味。友人話要磨菇。咁其實個磨菇係要$10嘅！個menu都係細細粒字寫咗喎！咁1pcs就收$40！（OK, 咁fair D, 佢大大碌咁係幾過癮嘅～唔辣嘅～）同樣情況都出現喺個PANEER TACO茅屋芝士班戟（茅屋芝士）度. 個圖有三塊、實情得兩塊～ 呢個女仔嚟講幾飽嘅. OK好味～ 個皮似pancake~另外仲試咗個蕃茄洋蔥炸米粒. 成碟係脆卜卜嘅～有啲生洋蔥🧅，食完個口有少少味～🫣 OK好味啦～個醬少少辣嘅～總結係都開心有新野試同埋OK好味嘅～ 都會想試吓menu上其他嘢～ 如果個menu無咁令人confused就更好。