圓老爺雞煲小廚 (Closed)

今日阿媽唔想煮飯，就梗係落街請阿媽食餐好㗎啦，唔好以為食好嘢就一定係好貴呀，元朗嘅呢間元老爺，簡直可以話係平靚正，平民嘅價錢，食到大廚級嘅手細，真係物有所值呀。首先前菜我哋叫咗個皮蛋豆腐，原來如此豆腐同皮蛋架，上面總會有啲肉鬆，入口甜甜地，真係好開胃，雖然豆腐都只係用一般嘅百福豆腐，但係勝在夠凍，而且配上皮蛋，入口感覺美味，精粹仲要係佢個汁，作為前菜，真係好好味。市招炒聖子王，聖子超級大隻，而且鮮味十足，夠晒鑊氣，入口爽甜彈牙，食到我阿媽嘴舐舐。蜜桃蝦，啲蝦超大隻，隻隻都炸到脹卜卜，啲粉唔會好厚，最重要嘅係個汁酸酸甜甜好開胃，又唔會太過酸，蝦肉爽口彈牙，師傅果然好嘢。酸菜龍躉，你未絕對係呢餐飯嘅精髓，出邊食開嘅酸菜魚，都係用普通嘅生魚或者淡水魚，但係呢度竟然用嘅係龍躉，而且份量十分之大，酸菜魚嘅味道唔會太酸，比較着重花椒嘅香味，龍躉份量好多，而且魚肉厚身，就連層皮都又爽又彈牙，啖啖肉，裏面總會有啲薯粉，薯粉朔晒酸菜魚啲汁，有一種食緊酸辣粉嘅感覺，果然美味。