籠皇點心

Open Now

Now Closed

晏就唔想食飯。就同一班fd黎食點心。吹吹水。真心推薦呢間鋪，雖然鋪頭細細。容納大概30個人到。但D野食質素唔錯，全都係即落ordered即整，所以上臺既都係新鮮滚熱辣。基本上每次吃必點:小心流沙包，真係要小心啊，因為d鹹蛋黃真係好熱。但又好香窩，所以食都係要細啖d，慢慢食去品味。必點系列二:係最中意既鹹水角啊。出邊炸得好香口，而入邊d料都好豐富。食完會再想食。白糖糕，睇個名其實可能並不討人中意，但佢彈牙既口感會令你意想不到。飲茶又點少左蝦餃，燒賣同粉果。都唔錯。間鋪價錢本身都係平民價，但下午茶時間仲會有9折優惠，真係好實惠。