雄興美食

Open Now

Now Closed

呢間潮州打冷真係大件夾抵食而且味道好好，好彩老友帶我嚟如果唔係真係走寶。基本上佢樣樣嘢都唔貴，有啲直頭係平得離譜，例如炒個菜先至$50。蠔仔粥d蠔又新鮮又大粒。滷水大雜拼入面有墨魚豬大腸鵝腸紅腸豬耳仔生腸等等，不過最正嘅係墊底嘅蘿蔔，好入味，下次再叫一定叫佢俾多幾嚿蘿蔔我。呢條凍烏頭$95 ，真係抵食到爆，而且都好鮮味又大條。呢個係鹽水雞，我叫抬抬都叫咪叫嚟食吓囉，又真係幾好食而且超級抵，$65半隻。最後叫個蒜蓉白菜仔，食返啲菜啦。